ڈبلیوڈی فورٹی کی مدد سے کار کے کھڑکی،دروازوں کی رَبرسیلوں کی تبدیلی

ہوسکتا ہے کہ اُکھڑی ہوئی رَبر سیلز کی جگہ آپکو گوند کا کوئی حصہ جَما ہوا نظر نہ آئے لیکن پھر بھی تھوڑے بہت بقایا جات موجود رہتے ہیں جن کو ڈبلیوڈی فورٹی ملٹی یوز کے اسپرے کی مدد سے صاف کرنا چایئے کیونکہ یہ لُبریکینٹ تمام طرح کی سطحوں کی صفائی اور نمی سے اُنکے بچاؤ میں مؤثر ہے ۔ تھوڑی دیر اِسے لگا رہنے دیں اور پھر اِسکا جادو اثر دیکھیں ۔ کوئی فالتو کپڑا لیں اور اُسے بَزور، اسپرے کی گئی دھاتی سطح پر اِسقدر رگڑیں جب تک وہ مکمل صاف نہ ہوجائے ۔ یہ عمل دُہرایا بھی جا سکتا ہے اگر آپ کو دھاتی سطح مکمل صاف نہ لگے ۔ بعد ازاں پیپر ٹاولز سے کیمیکل کے بقایاجات کی صفائی کرلیں ۔

رَبر کو دھاتی سطح سے جوڑنے کے لیے آپکو موسم کے خلاف مؤثر رہنے والا ایڈہسیو استعمال کرنا چاہئے ۔
رَبر سیل پر گُلو لگانے سے پہلے ربر کاٹ کر آپ اُسے خشک حالت میں کھڑکی کے فریم میں بِٹھاکر دیکھیں جب ہلکے دباؤ کے ساتھ سِیل مکمل سیٹ ہوجاتی ہو تبھی ایڈہسیو کا استعمال کریں ۔ اِسے پتلی دھار کی صورت میں لگائیں اور رَبر کے اندر قطروں کی شکل میں ۔

جب آپ کار کے دروازوں اور کھڑکیوں پر رَبر سیل لگا چکے ہوں تو اب ضرورت ہے اِنھیں روزمرّہ کے ٹوٹ پھوٹ اور خرابی سے بچانے کے لیے ایک حفاظتی تہہ دینے کی ۔ ڈبلیوڈی فورٹی اسپیشیلسٹ سِلیکون لُبریکینٹ رَبر کے اجزاء کی حفاظت کرتا ہے ۔ کیونکہ یہ منفی ۳۵ ڈگری سینٹی گریڈ سے لےکر مثبت۲۰۰ تک کا درجہ حرارت برداشت کرسکتا ہے ۔ ساتھ ہی یہ رَبر کے اجزاء کو گرد اور نمی سے بچانے میں بھی معاون ہے ۔

اِس لُبریکینٹ کو لگانے سے قبل نئی لگائی جانے والی رَبر سیلز کو ایک گھنٹے کا وقفہ ضرور دیں ۔ اس سِلیکون لُبریکینٹ کی واحد تہہ آپکی کار کی رَبر سیلز کو طویل عرصے تک نرم اور مضبوط رکھنے کے لئے کافی ہے ۔